جموں: یوم آزادی کی تقریبات منانے کے سلسلے میں آج جموں و کشمیر کے مختلف مقامات پر قومی پرچم لہرایا گیا ۔ جموں کے جموں، کٹھوعہ، سانبہ، راجوری، پونچھ، ڈوڈہ ، رامبن، بانیہال، کشتواڑ ، بھدرواہ اور اودھم پور میں قومی پرچم لہریا گیا جبکہ جموں خطے کی سب سے بڑی تقریب کا اہتمام جموں و کشمیر کی سرمائی دارالحکومت جموں میں ہوئی جہاں لیفٹیننٹ گورنر منوج سنہا کے مشیر بٹناگر نے قومی پرچم لہرایا جس میں سکیورٹی فورسز کی مختلف ٹکڑیوں کے ساتھ ساتھ اسکولی بچوں اور علاقائی فنکاروں نے شرکت کی۔
سخت ترین حفاظتی انتظامات کے بیچ 15 اگست کی تقریبات
پریڈ کے موقع پر جموں و کشمیر پولیس کے ایڈیشنل ڈائیریکٹر جنرل ُمکیش سنگھ بھی موجود رہے۔ واضح رہے کہ آج 15 اگست 2022 کو بھارت کی آزادی کی 75 ویں سالگرہ منائی جا رہی ہے، یوم آزادی پرملک کے مختلف حصوں میں ترنگا لہرایا جا رہا ہے۔
