جموں: جموں و کشمیر حکومت نے پیر کے روز حکم نامہ جاری کیا ہے جس کے مطابق بہادری اور شاندار خدمات کے لیے جے اینڈ کے پولیس میڈلز پر این سی کے بانی اور سابق وزیر اعلیٰ ’شیرِ کشمیر‘ شیخ عبداللہ کی تصویر کو قومی نشان سے بدل دیا جائے گا۔ National Emblem in J&K Police Medals
اس سلسلہ میں جموں و کشمیر یوٹی انتظامیہ کی جانب سے ایک حکم نامہ جاری کر کے کہا گیا ہے کہ اس سے قبل جموں و کشمیر پولیس کے اہلکاروں کو شاندار کارکردگی کے لیے دیے جانے والے میڈل پر شیخ محمد عبداللہ کی علامت و نشانات رکھے گئے تھے تاہم اب انتظامیہ نے مذکورہ نام کو ہٹانے کا فیصلہ کر کے میڈل پر ایک جانب ملکی نشان اور دوسری جانب جموں وکشمیر کا اپنا نشان یا علامت رکھی جائے گی۔ Sheikh Abdullah's Image with National Emblem Police۔ حکومت نے پہلے شیرِ کشمیر پولیس میڈلز کا نام تبدیل کر کے جموں و کشمیر پولیس میڈلز رکھا تھا۔
