جموں:سابق رکن قانون ساز کونسل (ایم ایل سی) سریندر چودھری نے آج بی جے پی میں شمولیت اختیار کی، اس موقع پر بھارتیہ جنتا پارٹی کے نیشنل جنرل سیکرٹری ترن چگ جموں کشمیر بی جے پی صدر راویندر رینہ سابق نائب وزیر اعلی جموں و کشمیر کویندر گپتا بھی موجود تھے۔ چودھری نے بی جے پی ہیڈ کوارٹر ترکوٹہ نگر جموں میں جموں وکشمیر کے بی جے پی کے انچارج اور پارٹی کے جنرل سکریٹری ترون چگ جموں وکشمیر بی جے پی کے صدر رویندر رانا، کویندر گپتا کی موجودگی میں بی جے پی کی رکنیت لی۔
جموں وکشمیر کے بی جے پی کے انچارج اور پارٹی کے جنرل سکریٹری ترون چگ نے چودھری کا پارٹی میں استقبال کیا اور دعوی کیا کہ آنے والے اسمبلی انتخابات میں بی جے پی اکثریت کے ساتھ جموں و کشمر میں حکومت بنانے میں کامیابی حاصل کرے گئی۔بھارتیہ جنتا پارٹی کے قومی جنرل سیکرٹری نے مزید کہا کہ نریندر مودی کی حکمرانی میں پاکستان کے ناپاک عزائم کو کامیاب نہیں ہونے دیا جائے گیا اور پاکستان کو منہ توڑ جواب دینے کے لیے بھارتیہ جنتا پارٹی تیار ہیں اور جموں کشمیر کی تعمیر ترقی صرف بی جے پی دور میں ہی ممکن ہے۔
مزید پڑھیں:
سریندر چودھری جموں وکشمیر کے سابق وزیر اعلی اور پی ڈی پی صدر محبوبہ کے ساتھ قریبی تعلقات رہے ہیں اور پی ڈی کے جنرل سیکریٹری بھی رہے ہیں۔ آئندہ جموں وکشمیر اسمبلی انتخابات کے مدنظر جموں ڈویژن کے نقطہ نظر سے سریندر چودھری کا بی جے پی میں شامل ہونا پی ڈی پی کے لیے بڑا جھٹکا سمجھا جارہا ہے۔
