جموں خطے میں کرفیو کے تعلق سے انتظامیہ نے ایک حکمنامہ جاری کیا ہے۔ اس کے مطابق کورونا کیسز کی تعداد میں اضافے کے پیش نظر جموں میں کورونا کرفیو میں 10 مئی تک توسیع کر دی گئی ہے۔
اس دوران صرف ایمرجنسی گاڑیوں کو چلنے کی اجازت ہوگی۔ اس حکمنامے کے مطابق کرفیو چھ مئی صبح سات بجے سے لے کر 10 مئی صبح سات بجے تک رہے گا۔ اس حکمنامے میں ضلع ترقیاتی کمشنر جموں نے نیشنل ڈزاسٹر مینجمنٹ ایکٹ 2005 کے تحت کورونا کرفیو نافذ کرنے کا حکمنامہ جاری کیا تھا جس کے تحت ضلع بھر میں ہونے والی سرگرمیوں کی زمرہ بندی کی گئی تھی۔
یہ بھی پڑھیں: جموں کے تمام ہسپتالوں میں معمول کی سرجریز مؤخر
اس حکمنامے کے تحت میڈیکل سٹور، کلینک، ایل پی جی گیس اور پٹرول پمپ، زراعت سے منسلک سرگرمیاں، مویشیوں کے لئے چارہ، اے ٹی ایم مشینیں اور اے ٹی ایم موبائل وین، پرنٹ اور الکٹرانک میڈیا، امور صارفین و عوامی تقسیم کاری سے وابستہ سٹور، مواصلاتی نظام سے وابستہ افراد، صنعتکاری، مزدور طبقہ، میڈیکل شعبہ سے وابستہ ملازمین، ریاست میں ضروری سامان سے لیس گاڑیاں، جموں و کشمیر یوٹی اور مرکزی حکومت سے وابستہ ملازمین وغیرہ کو چلنے کی اجازت دی گئی ہے جبکہ تمام تعلیمی ادارے، سکل ڈیولپمنٹ سینٹر، ساپنگ کمپلیکس، سلون، جم، پارک وغیرہ کو بند رکھا گیا ہے۔ ضلع انتظامیہ نے مذہنی تقریبات اور آخری رسومات کے سلسلہ میں بھی حکمنامہ جاری کیا ہوا ہے۔
