خطے جموں کے اکھنور سیکٹر میں لائن آف کنٹرول پر پاکستانی فوج کی جانب سے جنگ بندی کی خلاف ورزی کی گئی جس کے نتیجے میں 4 فوجی اہلکار زخمی ہو گئے ہیں۔
خبر رساں ایجنسی کے مطابق حکام نے بتایا کہ منگل اور بدھ کی درمیانی شب پاکستانی فوج نے فائرنگ کی جس کے نتیجے میں چار فوجی اہلکار زخمی ہوگئے۔
انہوں نے بتایا کہ زخمی فوجی جوانوں کو ادھمپور ہسپتال منتقل کیا گیا۔
واضح رہے کہ بھارت اور پاکستان کے درمیان سال 2003 میں جنگ بندی معاہدہ طے پانے کے باوجود بھی جموں و کشمیر کے سرحدوں پر طرفین کے درمیان ایک دوسرے کے ٹھکانوں کو نشانہ بنانے کا سلسلہ تواتر کے ساتھ جاری ہے۔
جموں و کشمیر کی سرحدوں پر طرفین کے درمیان گزشتہ تین برسوں کے دوران زائد از ساڑھے آٹھ ہزار بار جنگ بندی معاہدے کی خلاف ورزی ہوئی ہے۔
