Youth Goes Missing in Shopian: لاپتہ بیٹے سے گھر واپسی کی اپیل

قصبہ شوپیان سے تقریباً 7 کلومیٹر دور کیگام علاقے میں 22 سالہ نوجوان الطاف احمد وانی متعدد دنوں سے گھر سے لاپتہ ہیں، جس کی واپسی کے لیے گھر والوں نے اپیل کرتے ہوئے کہا کہ وہ جہاں بھی ہیں وہ جلد گھر واپس آجائیں۔ Appeal to Return Home from Missing Son

شوپیاں: جموں و کشمیر کے قصبہ شوپیاں سے تقریباً 7 کلومیٹر دور کیگام علاقے میں 22 سالہ نوجوان گھر سے لاپتہ ہوگیا ہے جس کی شناخت الطاف احمد وانی ولد محمد مرحوم ولی محمد وانی کے طور پر ہوئی ہے۔

نوجوان کے رشتہ داروں کے مطابق الطاف احمد وانی گذشتہ ایک ہفتہ سے گھر سے لاپتہ ہے اور آج تک وہ گھر واپس نہیں لوٹا ہے۔

اہل خانہ نے بتایا 'ہم نے اسے ہر گوشے اور کونے میں تلاش کیا لیکن اس کا سراغ نہیں مل رہا ہے۔ انہوں نے بتایا کہ مذکورہ نوجوان ڈگری کالج شوپیان میں زیر تعلیم تھا۔ الطاف کے بھائی نے بتایا کہ ان کا بھائی گذشتہ ہفتہ سے لاپتہ ہے اور انہیں خدشہ ہے کہ الطاف نے عسکریت پسندی کا راستہ اختیار کر لیا ہے۔

گھر سے غائب الطاف کی فائل تصویر

انہوں نے اپنے بھائی سے گزارش کی ہے کہ وہ جہاں بھی ہیں، اپنے گھر واپس لوٹیں کیونکہ ان کی ماں کافی صدمے میں ہیں اور وہ بات بھی نہیں کرسکتیں۔ Appeal to return home from missing Altaf in Shopian۔

الطاف اپنے پیچھے چار بہنوں، ایک بھائی اور ماں کو چھوڑ کر چلا گیا۔

والدین، بھائی اور رشتہ داروں سمیت خاندان کے دیگر افراد نے بھی الطاف سے گھر واپس آنے کی درخواست کی ہے۔

الطاف کے اہل خانہ نے پولیس اسٹیشن کیگام میں لاپتہ ہونے کا مقدمہ بھی درج کرایا ہے ۔ پولیس نے بتایا کہ انہوں نے کیس درج کر کے مذکورہ نوجوان کو تلاش کرنے کی کوششیں شروع کر دی ہیں۔