آبپاشی نہر کی صفائی نہ کرنے پر خواتین کا احتجاج

ترال میں آج خواتین کی ایک بڑی تعداد گھروں سے باہر آئی اور انتظامیہ کے خلاف زبردست احتجاجی مظاہرہ کیا۔

مظاہرین کا کہنا تھا کہ اٹہ کوہل نامی نہر کی صفائی نہ ہونے کے سبب ان کی سینکڑوں کنال اراضی بنجر زمین میں تبدیل ہو گئی۔

ای ٹی وی بھارت کے ساتھ بات کرتے ہوئے چند خواتین نے بتایا کہ اٹہ کوہل نامی نہر کی صفائی نہ ہونے سے ان کی سینکڑوں کنال اراضی بنجر زمین میں تبدیل ہو گئی ہے اور کئی بار اس حوالے سے انتظامیہ کے ساتھ رابطہ کیا۔ تاہم اس کے باوجود بھی ان کی داد رسی نہیں ہوئی۔

انھوں نے مزید بتایا کہ اس کوہل کی صفائی نہ ہونے سے انکی سبزی کیاریاں سوکھ گئی ہیں۔

انھوں نے انتظامیہ سے مطالبہ کیا ہے کہ مذکورہ کوہل کی صفائی فوری طور عمل میں لائی جائے۔

اس سلسلے میں انتظامیہ کے اعلی عہدیداروں نے احتجاج پر آمادہ ان خواتین سے بات کی اور انھیں یقین دلایا کہ ان کے مطالبے پر عمل کیا جائے گا جسکے بعد مظاہرین پرامن طور منتشر ہوئے۔