مرکزی وزیر داخلہ امیت شاہ نے اتوار کے روز آسام میں ایک جلسہ سے خطاب کرتے ہوئے کہا کہ وزیر اعظم کے نئے بھارت اور آتم نربھر بھارت کے خواب کو پورا کرنے کے لیے عسکریت پسندی کا پرتشدد دور ختم ہوچکا ہے۔ پورے شمال مشرقی خطے اور جموں و کشمیر میں امن اور ترقی کا دور شروع ہوگیا ہے۔
آسام میں ایک اجتماع سے خطاب کرتے ہوئے امت شاہ نے کہا کہ دفعہ 370 کی منسوخی کے ساتھ ہی جموں و کشمیر میں تشدد پر قابو پالیا گیا ہے۔
انہوں نے کہا کہ گزشت برس نومبر ماہ میں جموں و کشمیر میں پہلی بار منعقد کیے جانے والے ضلع ترقیاتی کونسل کے انتخابات تشدد کے بغیر انجام دیئے گئے۔ انتخابات میں ایک بڑی تعداد میں لوگوں نے اپنے حق رائے دہی کا استعمال کیا۔
وزیر داخلہ نے کہا کہ گزشتہ کئی برسوں کے دوران 5000 سے زائد عسکریت پسند کو ہلاک کیا گیا لیکن اب امن کا دور شروع ہوچکا ہے۔
