سڑک حادثے میں سرپنچ ہلاک، دو افراد زخمی

ہندوارہ قصبے کے نگری ہتمولہ علاقے میں اس وقت ماحول غمگین ہو گیا جب کپواڑہ کی طرف سے گھر آرہے میاں بیوی اور ڈرائیور نگری کے نزدیک حادثے کا شکار ہوگئے۔

اطلاعات کے مطابق کپواڑہ سے نگری علاقے کی طرف آرہی سینٹرو کار اور ایک لوڈ کیریئر میں تصادم ہوگیا اور سینٹرو کار میں سوار تین افراد زخمی ہوگئے جبکہ اس دوران گاڑیوں کو بھی کافی نقصان پہنچا ہے۔

تینوں افراد کو اگرچہ زخمی حالت میں ڈسٹرکٹ اسپتال ہندوارہ پہنچایا گیا۔ تاہم وہاں ایک شہری کی موت واقع ہوگئی اور دیگر دو افراد زخمی ہوئے ہیں۔

ڈاکٹروں کے مطابق تینوں افراد کی شناخت سرپنچ نگری محمد سرور اور اس کی اہلیہ مہتابی بیگم اور ڈرائیور کے طور پر ہوئی ہے۔ زخمی ڈرائیور کو علاج ومعالجہ کے لئے سرینگر صورہ منتقل کیا گیا۔

پولیس نے اس سسلے میں کیس درج کرکے مزید تحقیقات شروع کر دی ہے۔