وزیر اعظم آفس میں وزیر مملکت ڈاکٹر جتیندر سنگھ نے لوک سبھا میں جموں و کشمیر ، لداخ اور مرکزی خطوں کے مطالبات زر اور مرکزی حکومت کے دیگر ضمنی مطالبات زر کے پر مشترکہ بحث میں حصہ لیتے ہوئے یہ بات کہی۔
انہوں نے بجٹ کی تجاویز پر کہا کہ آئین کے آرٹیکل 370 کو ختم کرنے کے بعد جموں و کشمیر اور لداخ کا مزاج بدل گیا ہے۔ سرکاری دفاتر کا کام کرنے کا انداز بدل گیا ہے۔ زمین پر کام کرنے کی رفتار بدل گئی ہے۔
لوگوں کی ذہنیت بدل رہی ہے اور نئی امنگیں جنم لے رہی ہیں۔ وزیر اعظم نریندر مودی کی قیادت میں جموں و کشمیر ایک نیا خواب دیکھ رہے ہیں۔ مسٹر مودی نے جموں وکشمیر اور شمال مشرق میں ترقیاتی دروازے کھولنے کے ساتھ ایک نیا سیاسی کلچر شروع کیا ہے۔
انہوں نے آرٹیکل 370 کو ہٹانے کے فیصلے کی تعریف کرتے ہوئے کہا کہ پچھلے آٹھ ماہ وادی میں نہایت پُرامن طور پر گذارے۔ ایسا پہلے کبھی نہیں ہوا تھا ، جبکہ دیوالی ، عید ، محرم ، ہولی ، یوم آزادی ، یوم جمہوریہ سب آرام سےگزر گئے ۔
جن لوگوں نے کہا کہ آرٹیکل 370 کے خاتمے کے بعد زلزلہ آجائے گا ، آتش فشاں پھٹ جائے گا۔ اس کی پیش گوئی غلط ثابت ہوئی۔ انہوں نے کہا کہ مسٹر مودی جموں و کشمیر میں تبدیلی لانا چاہتے تھے لیکن 370 کو ہٹائے بغیر ایسا کرنا ایک بڑا چیلنج بن گیا تھا۔
