عسکریت پسندوں کے چھپے ہونے کی ایک مصدقہ اطلاع موصول ہونے کے بعد سیکیورٹی فورسز نے مذکورہ علاقہ کو محاصرہ میں لے کر تلاشی کاروائی شروع کی، جس دوران وہاں پر چھپے عسکریت پسندوں نے سکیورٹی فورسز پر فائرنگ کی۔
رات کے دوران فائرنگ کا سلسلہ بند ہوگیا تاہم آج صبح پھر سے عسکریت پسندوں اور سیکیورٹی فورسز کے درمیان تصادم شروع ہوگیا جس دوران لشکر طیبہ کے 2 عسکریت پسندوں کو ہلاک کیا گیا ۔
ذرائع کے مطابق ہلاک شدہ عسکریت پسندوں میں ایک مقامی اور ایک غیر ملکی شامل ہے۔تاہم سرکاری طور پر ہلاک کئے گئے عسکریت پسندوں کی شناخت ہونا باقی ہے۔
وہیں تصادم کی جگہ ایک شیل پھٹ جانے کی اطلاع موصول ہوئی ہے ۔۔جس میں چار مقامی افراد زخمی ہوئے ہیں، جنہیں ہسپتال منتقل کیا گیا ہے۔
بتایا جا رہا ہے لوگ تصادم کی جگہ پر جمع ہو گئے تھے جس دوران یہ حادثہ پیش آیا۔ زخمیوں کی شناخت سرہامہ کے محمد یاسین راتھر ،بُن نمبل علاقہ کے شاہد یوسف ،عرفان احمد بن نمبل، اور سرہامہ کےمدثر احمد ماگرے شامل ہیں
یاسین راتھر اور شاھد کو نازک حالت میں علاج و معالجہ کے خاطر ایس ایم ایچ ایس سرینگر منتقل کیا گیا ہے۔
