ترال: سڑک حادثے میں دو افراد زخمی

جنوبی کشمیر کے ترال میں سڑک حادثہ پیش آیا جس کے نتیجے میں دو افراد زخمی ہوگئے۔

اطلاعات کے مطابق مین ٹاون ترال میں آج اس وقت دو افراد زخمی ہوگئے جب ایک تیز رفتار بائک سوار نے غلام نبی کانٹرو نامی راہگیر کو ٹکر مار دی۔

زخمی افراد کی شناخت زاہد احمد کھانڈے ولد محمد ایوب ساکن پنر جاگیر اور غلام نبی کانٹرو کے بطور ہوئی ہے۔

حادثے کے بعد دونوں افراد کو علاج کے لیے سب ڈسٹرکٹ اسپتال ترال میں داخل کیا گیا جہاں ڈاکٹروں نے انہیں سرینگر ہسپتال منتقل کر دیا۔