بارہمولہ میں دو منشیات فروش گرفتار

بارہمولہ پولیس نے دو منشیات فروش کو منشیات کے ساتھ ضلع بارہمولہ کے آزادگنج چوک سے گرفتار کیا ہے، پولیس نے منشیات فروش کے پاس سے 85 گرام چرس برآمد کیے ہیں۔

شمالی کشمیر کے ضلع بارہمولہ میں دو منشیات فروشوں کو پولیس نے گزشتہ روز گرفتار کیا ہے۔

اطلاعات کے مطابق گزشتہ روز خفیہ اطلاع کے بنیاد پر بارہمولہ پولیس نے ایک منشیات فروش کو ضلع بارہمولہ کے آزادگنج چوک سے گرفتار کیا، اس کی گاڑی سے پولیس کو 85 گرام چرس برآمد ہوئے ہیں۔ منشیات فروش کی شناخت مہراج الدین ڈار ساکن جلشیری کے طور پر ہوئی ہے۔

اس سلسلے میں پولیس نے تھانہ بارہمولہ میں این ڈی پی ایس کی دفعات کے تحت مقدمہ درج کرکے تفتیش شروع کردی ہے۔

وہیں تھانہ اڑی نے ایک دوسرے منشیات فروش نورالدین ساکن گوجری کو بارہمولہ کے نند سنگ پل اڑی سے گرفتار کیا ہے، پولیس کو اس کی گاڑی سے 60 گرام چرس برآمد ہوئے ہیں۔

اس سلسلے میں تھانہ اڑی نے این ڈی پی ایس کی دفعات کے تحت مقدمہ درج کرکے کاروائی شروع کردی گئی ہے۔