ٹول ٹیکس کےخلاف تاجروں میں غم وغصہ

ریاست جموں و کشمیر کےسری نگر کے سنگم نامی علاقےمیں ٹول ٹیکس کے خلاف عوام میں ریاستی سطح پر احتجاج کا سلسلہ جاری ہے۔

وادی کشمیر کے مختلف تجارتی تنظیموں نے اس ٹول ٹیکس کے خلاف شدید رد عمل کا اظہار کیا ہے۔

اس کے علاوہ ٹرانسپورٹرز نے بھی اس نئے ٹول ٹیکس کے خلاف احتجاج بلند کیا ہے۔

مظاہرین کا کہنا ہے کہ ریاستی حکومت کو یہ ٹول ٹیکس واپس کرنا ہوگا ورنہ عوام کے اس کے خلاف سڑکوں پر اتر جائے گی۔

تاجروں کا کہنا ہے کہ وادی کشمیر میں پہلےہی تاجر مختلف ٹیکسس ادا کر رہے ہیں اور اب یہ ٹول ٹیکس کی صورت میں یہ نئی آفت ہماری مشکلات میں اضافہ کا باعث ہے۔

انہوں نے مزید کہا کہ ٹرانسپورٹرز پہلے ہی ٹوکن ٹیکس ادا کر رہے ہیں وہ کس طرح دوسرا ٹیکس ادا کریں گے۔

انہوں نےکہا یہ سراسر کشمیریوں کے ساتھ زیادتی ہے اور اس کا براہ راست اثرعام خریدار پر پڑے گا۔