کشمیرمیں کاروباری اداروں کو بحال کیا جائے

کشمیر چیمبر آف کامرس اینڈ انڈسٹری نے کشمیر سے دفعہ 370 کی منسوخی کے بعد سے وادی میں 15 ہزار کروڑر وپے کے نقصانات کا حوالہ دیتے ہوئے یہاں کاروباری ادارے کو بحالی کرنے کا مطالبہ کیا۔

کشمیر چیمبر آف کامرس اینڈ انڈسٹری مرکز سے کہا ہے کہ وادی کی معیشت کو آرٹیکل 370 کی منسوخی سے وادی کشمیر کو پندرہ ہزار کروڑ روپے کے نقصانات کا سامنا کرنا پڑا ہے۔

کاروباری ادادروں کو بحال کرنے کا مطالبہ

مزید نقصانات کو دیکھتے ہوئے کے سی سی آئی کے صدر شیخ عاشق حسین نے مرکزی حکومت سے مطالبہ کیا کہ وہ کشمیر میں کاروباری نظام کو بحال کریں۔انہوں نے مزید کہا کہ ’میں نے مرکزی وزیر تجارت و صنعت پیوش گوئل کو ان تخمینے والے نقصانات سے آگاہ کیا، جو گذشتہ چار ماہ کے دوران ہوا ہے‘۔انہوں نے کہا کہ کے سی سی آئی نے مرکز کی طرف سے جموں و کشمیر کی خصوصی حیثیت کو منسوخ کرنے اور دو مرکزی علاقوں میں تقسیم ہونے کے بعد کاروبار اور ملازمت میں ہونے والے نقصانات سے متعلق ایک رپورٹ تیار کی ہے۔انہوں نے کہا کہ اس سلسلے میں بہت جلد ایک جامع رپورٹ لیفٹیننٹ گورنر کو پیش کی جائے گی۔