ائرپورٹ اتھارٹی آف انڈیا کے کارپوریٹ مواصلات کے جنرل منیجر جے بی ایس نیگی نے سنیچر کو بتایا کہ سری نگر ہوائی اڈے پر 6216 لوگ وادی سے واپس جانے کے لئے آئے تھے۔ عام معمول کے ائر لائنس کی 32 پروازوں میں 5829 لوگوں کو جگہ مل سکی جبکہ دیگر 387 مسافروں کو فضائیہ کے چار جہازوں سے واپس بھیجا گیا۔ فضائیہ کے جہازوں نے ان مسافروں کو جموں، پٹھان کوٹ اور ہنڈن پہنچایا ہے۔
مسٹر نیگی نے بتایا کہ سری نگر ہوائی اڈے کی جانب سے مسافروں کو ہر ممکن مدد مہیا کرائی جارہی ہے۔ ان کی سلامتی کا پورا خیال رکھا جارہا ہے۔ سبھی مسافروں کو منصوبہ بند طریقے سے واپس بھیجا جارہا ہے۔
ریاستی انتظامیہ کے ایڈوائزری میں کہا گیا تھا کہ دہشت گرد حملے کا منصوبہ بنارہے ہیں۔ اس لئے سبھی سیاحوں اور امرناتھ یاتریوں کو جلد سے جلد وادی چھوڑنے کا حکم دیا گیا ہے۔
