ضلع رامبن میں گیارہ بلاکس سے نو منتخب چئیرمین نے حلف لیا جن میں چار خواتین بھی شامل تھیں۔
حلف برداری کی تقریب کانفرنس ہال میتراہ میں معنقد کی گئی جس میں ضلع ترقیاتی کمیشنر رامبن ناظم ضیا خان، ضلعی افسران اور بلاک افسران افسرموجود تھے۔
رشیدہ بیگم نے بانہال بلاک سے، شفیق احمد کٹوچ نے رامسو سے، سجاد حسین نے کھڑی سے، کرلیپ سنگھ نے اکھڑہال بلاک سے، امجد علی نے رامبن بلاک سے، شمشادہ بیگم نے گاندھری بلاک سے، محمد اقبال مہناس گنڈی ڈارم بلاک سے، نویدہ بیگم بلاک سنگلدان سے اور شکیلہ بیگم بلاک گول سے جبکہ راجیشور سنگھ نے بلاک بٹوت سے اور سونیکا دیوی نے بلاک راجگڑھ سے چیئرمین کا حلف لیا۔
دوسری جانب جنوبی کشمیر کے ضلع اننت ناگ میں بلاک ڈیولمپنٹ کاؤنسل کے نو منتخب اراکین کی حلف برداری تقریب کا اہتمام کیا گیا۔
کھنہ بل، اننت ناگ کے ڈاک بنگلو میں منعقدہ حلف برداری کی اس تقریب میں ضلع اننت ناگ کے 16بلاکس کے 16چئیرپرسنز نے حلف لیا۔
اس موقعے پر ضلع ترقیاتی کمشنر، اے ڈی سی اور ڈی پی او اننت ناگ کے علاوہ کئی اعلیٰ افسران نے شرکت کی۔
حلف برداری کی تقریب کے بعد ڈی سی اننت ناگ نے نو منتخب چئیرپرسنز اور علاقے کے دیگر پنچوں اور سرپنچوں کے ساتھ ایک میٹنگ طلب کی جس میں کئی سرکاری محکموں سے وابستہ ملازمین بھی موجود تھے۔
