ایل او سی پر دن میں دوسری بار گولہ باری

دن میں دوسری بار پاکستانی افواج نے جنگ بندی معاہدے کی خلاف ورزی کر تے ہوئے سرحدی ضلع پونچھ کے شاہپور، کیرنی اور کرشناگھاٹی سیکٹرز میں فوجی چوکیوں اور رہائشی علاقو ں میں گولہ باری کی،جس کا بھارتی افواج بھر پور جواب دے رہی ہے ۔

آخری اطلاع ملنے تک دونوں طرف سے بھاری گولہ باری جاری تھی۔

فوجی ترجمان جموں نے پریس بیان میں کہا کہ پاکستانی افواج نے پونچھ کے کرشنا گھاٹی ، شاہپور اور کیری سیکٹروں میں گولہ باری کی جس کا بھارتی افو اج نے معقول جواب دے رہی ہے۔

تاہم آخری خبریں ملنے تک کسی بھی جانی اور مالی نقصان کی کوئی اطلاع نہیں ملی ہے ۔ واضح رہے کہ آج صبح بھی پاکستانی افو اج نے منکو ٹ سیکٹر میں بھاری گولہ باری کی تھی۔