اننت ناگ:وادی کمشیر کے دور دراز اور سرحدی علاقہ کے لوگوں کو مفت طبی سہولیات اور علاج و معالجہ فراہم کرنے کے لئے بارڈر لیس ڈاکٹرس نامی ایک غیر سرکاری تنظیم کی جانب سے وادی کے مختلف علاقوں میں میڈیکل کیمپ کا انعقاد عمل میں لایا گیا ہے اس میں پونا مہاراشٹرا سے تعلق رکھنے والے مختلف شعبہ جات سے وابستہ مشہور اور تجربہ کار ڈاکٹروں پر مشتمل ایک ٹیم وادی کے دس روزہ دورے پر ہے۔
وادی کشمیر کے مختلف علاقوں میں میڈیکل کیمپس کے انعقاد فوج کے اشتراک سے کئے گئے ہیں تاکہ ضرورتمند لوگ اس سے بھر پور فائدہ اٹھا سکے۔اس کیمپ کے ذریعہ ان کی پریشانیوں کو دور کرنے کی کوشش کی جا رہی ہے۔ ضلع اننت ناگ کے رام پورہ میں قائم پبلک ہیلتھ اینڈ ویلنس سینٹر میں ایک طبی کیمپ کا انعقاد کیا گیا جس دوران مقامی مقامی باشندوں کی ایک بڑی تعداد مستفید ہوئی۔ ٹیم میں آرتھو پیڈکس، گائناکالجسٹ، ڈنٹل سرجن،اسکن،چائلڈ اسپیشلسٹ، جنرل فزیشن ،جنرل میڈیسن کے سینئر ڈاکٹرس موجود ہیں۔ انہوں مقامی مریضوں کا طبی معائنہ کیا اور ان میں مفت ادویات تقسیم کی گئیں۔
یہ بھی پڑھھیں:Division Officer Marwah ایک تعلیم یافتہ خاتون کی بدولت پوری کائنات بدل سکتی ہے
میڈیا سے بات کرتے ہوئے مقامی باشندوں نے فوج ،این جی او اور ڈاکٹروں کے اس قدم کی خوب تعریف کی۔انہوں نے کہا کہ دور دراز علاقوں میں رہنے والے لوگوں خاص کر مریضوں کو ایک ہی چھت کے نیچے مختلف ماہر امراض کی سہولت فراہم کرنا ایک مفید اور قابل ستائش پہل ہے۔
