جموں و کشمیر کے شمالی ضلع بانڈی پورہ کے ایس ایس پی راہل ملک نے عوام سے اپیل کی ہے کہ وہ کورونا وائرس کے بڑھتے خدشات اور خطرات کو مدنظر احتیاطی تدابیر پر عمل کریں-
راہل ملک نے میڈیا کی وساطت سے بانڈی پورہ کے عوام سے تاکید کی ہے کہ وہ اپنے گھروں کے اندر ہی بیٹھیں اور سختی سے احتیاطی تدابیر پر عمل پیرا ہوجائے-
انہوں نے کہا کہ اگر کوئی ایمرجنسی کا کام ہو تو ہی گھر سے باہر نکلیں۔ انہوں نے کہا کورونا وائرس سے نمٹنے اور اس کے پھیلاؤ کو روکنے کا واحد حل اپنے گھروں میں بیٹھنے میں مضمر ہے۔
خیال رہے گزشتہ روز بانڈی پورہ میں بھی کورونا وائرس کا ایک مثبت کیس سامنے آیا ہے جس سے پورے ضلع میں اس معاملے کو لیکر ایک تشویش پیدا ہوگئی ہے۔
ادھر ایس ایس پی بانڈی پورہ نے تمام لوگوں سے گزارش کی ہے کہ انتظامیہ کی جانب سے جاری کی گئی ہدایات پر عمل پیرا ہوجائے اور وبا سے مقابلہ کرنے میں انتظامیہ کا تعاون کریں۔