پانپورمیں جراثیم کش ادویات کا چھڑکاؤ

جموں و کشمیر کے ضلع پلوامہ کے تاریخی قصبہ پانپور میں آج محکمہ بلدیات کی جانب سے قرنطینہ سینٹر اور مقامی بستی خانقاہ باغ میں جراثیم کش ادویات کا چھڑکاؤ کیا گیا۔

اسی دوران میونسپل کمیٹی پانپور کے ملازمین نے کونگ پوش نرسنگ ہوم میں رکھے گیے، قرنطینہ سینٹر بھی سینیٹائیز کیا گیا۔

معروف ٹریڈ یونین لیڈر منظوراحمد پامپوری نے میڈیا کو بتایا کہ' کورونا وائرس کو روکنے کے لیے انتظامیہ نے تمام میونسپل کمیٹی کو صفائی ستھرائی رکھنے کے احکامات جاری کئے ہے'۔

انہوں نے مزید کہا کہ ان احکامات کو مدنظر رکھتے ہوئے آج پامپور کے تمام علاقوں میں جراثیم کش ادویات کا چھڑکاؤ کیا اور یہ سلسلہ جاری رہے گا جب تک نہ اس وبا پر قابو پایا جائے۔