شمالی کشمیر کے ضلع بارہمولہ کے سوپور قصبہ میں آج میونسپل کارپوریشن کی جانب سے کورونا وائرس سے بچاؤ کے لیے ایک سینیٹائزیشن مہم کا اہتمام کیا گیا۔
اس موقع پر میونسپل کارپوریشن سوپور کے اہلکاروں نے سوپور اور اس کے گرد نواح کے علاقوں میں جراثیم کش سپرے کیا۔
ای ڈی وی بھارت سے بات کرتے ہوئے سوپور میونسپل کارپوریشن کے چیئرمین عبدالاحد نے بتایا کہ 'ہم عوام سے گزارش کرتے ہیں کی وہ بھیڑ بھاڑ والے مقامات میں رہنے سے گریز کریں اور اپنے ارد گرد کے ماحول کو صاف و شفاف رکھے۔
انہوں نے مزید کہا کہ 'ہم لوگ دن رات صفائی ستھرائی کر رہے ہیں، لوگوں کو گھبرانے کی ضرورت نہیں ہے۔
اس سلسلے میں سوپور میونسپل کارپوریشن کے ایگزیکٹیو افیسر غلام رسول شاہ نے بتایا کہ 'سوپور میونسپل کارپوریشن کورونا وائرس سے لڑنے کے لئے بلکل تیار ہے اور ہمارے ملازمین دن رات کام پر لگے ہوئے ہیں اور ائندہ بھی سینیٹائزیشن مہم جاری رہے گی۔
