سرینگر میں جگہ جگہ ناکے لگائے گئے ہیں جس میں شہر سرینگر میں دیگر اضلاع سے آنے والی گاڑیوں کی باریک بینی سے تلاشی لی جارہی ہے جبکہ راہگیروں پر بھی کڑی نظر رکھی جارہی ہے۔
وہیں دوسری جانب شہر کے داخلی اور خارجی راستوں پر سخت بندشیں عائد کی گئی ہے۔
واضح رہے کہ گذشتہ روز سرینگر کے امیرا کدل میں گرینیڈ دھماکہ میں موقعے پر ہی ایک غیر مقامی باشندہ ہلاک ہوا تھا جبکہ 3 ایس ایس بی اہلکار، 9 خواتین اور 10 برس کی بچی سمیت متعدد افراد زخمی ہوئے تھے جن میں سے دو کی حالت اب بھی نازک بتائی جارہی ہے۔
امیرا کدل کے مصروف ترین علاقے میں یہ گرینیڈ کہاں سے داغا گیا اور اس میں کون سے افراد ملوث ہیں، سکیورٹی ایجسیز اس حوالے سے سی سی ٹی وی فوٹیج معائنہ کر رہی ہے۔
دریں اثناء دیر رات سرینگر کے بٹی مالو علاقے میں ایس ڈی اے کی چار دکانیں آگ کی ہولناک واردات میں خاکستر ہوگئی۔
فائر اینڈ ایمرجنسی عملے نے اگرچہ آگرچہ آگ کو مزید پھیلنے سے روک دیا تاہم آگ اتنی تیز تھی کہ دکانوں میں موجوس سازو سامان مکمل طور خاکستر ہوگیا۔ اس واردات میں کسی جانی نقصان کی کوئی اطلاع نہیں ہے۔
آتشزدی کی یہ واردات کس طرح رونما ہوئی پولیس نے اس اس حوالے سے ایک ایف آئی آر درج کرکے تحقیقات شروع کر دی ہے۔
