دفعہ 144 کی خلاف ورزی پر متعدد افراد گرفتار

کورونا وائرس کے پھیلنے کے خدشات کے پیش نظر پولیس اور ضلع انتظامیہ کی جانب سے وادی کشمیر کے تمام اضلاع میں اعلانات کے ذریعے لوگوں سے تلقین کی جارہی ہے کہ وہ اپنے گھروں سے باہر نہ نکلیں اور غیر ضروری بھیڑ بھاڑ کرنے سے بھی اجتناب کریں۔

وہیں جنوبی کشمیر کے ضلع شوپیان میں دفعہ 144 کی خلاف ورزی کرنے والے 16 افراد کو پولیس نے گرفتار کیا ہے۔

اس سلسلے میں پولیس اسٹیشن شوپیان اور پولیس اسٹیشن کیلر میں دو ایف آئی آر درج کیے گئے ہیں۔ شوپیان پولیس مسلسل اعلانات کے ذریعے لوگوں کو غیر ضروری طور پر گھروں سے باہر نہ نکلنے کی تلقین کر رہی ہے۔