اس تعلق سے اودھم پور میں بھی مرکزی حکومت کی جانب سے آئی سی ٹی سی سینٹر مین سیکھو اور سکھاؤ نام کی اسکیم چلائی جارہی ہے۔
اس اسکیم کے تحت اقلیتی و پسماندہ طبقہ کے لوگوں کو سلائی، کمپیوٹر مارکیٹنگ اور ڈیلرشپ جیسی متعدد ٹریننگ دی جارہی ہیں۔
آئی آر سی ٹی اودھم پور کے ڈائریکٹر اندر بھترا کا کہنا ہے عسکریت پسندوں سے متاثرہ علاقوں سے بھی طلبأ و طالبات مرکزی حکومت کی اسکیمز سے فائدہ اٹھانے کے لیے اس سینٹر کا رخ کررہے ہیں اور اپنے مستقبل کو تابناک بنانے کی کوشش کررہے ہیں۔
یہاں ٹریننگ حاصل کررہے طلبأ و طالبات کا بھی یہی کہنا ہے کہ اس سے پہلے انھیں اس طرح سے پڑھنے اور ٹریننگ حاصل کرنے کا موقع نہیں ملتا تھا۔
ان طالبات کا مزید کہنا ہے کہ جموں و کشمیر میں لڑکیوں کو پچھڑا سمجھا جاتا تھا تو انھیں باہر نکلنے کا موقع بھی کم ہی ملتا تھا لیکن اب اس طرح کی ٹریننگ لے کر وہ اپنا مستقبل سدھار سکتی ہیں اور وہ خود کفیل بھی بن سکتی ہیں۔
