عبادت گاہوں سے سکیورٹی ہٹائی گئی

جموں و کشمیر گورنرانتظامیہ کی جانب سے سکیورٹی فورسز کے اضافی اہلکاروں کو تعینات کیا گیا ہے اور فضائیہ و سکیورٹی فورسز کو الرٹ رہنے کی ہدایت دی گئی ہے۔

وہیں ذرائع کے مطابق ایک اور حکم نامے کے تحت وادی کشمیر کے تمام درگاہوں، مسجدوں اور اقلیتی طبقے کی حفاظت پر مامور تمام پولیس اہلکاروں کو واپس بلایا گیا ہے۔

ذرائع کے مطابق مذکوری پولیس اہلکاروں کو متعلقہ پولیس لائنز میں جلد از جلد رپورٹ کرنے کا حکم دیا گیا ہے۔

ذرائع کے مطابق جنوبی کشمیر کے اکثرعلاقوں میں اس عمل کو تقریباً مکمل کیا گیا ہے۔

بتایا جا رہا ہے کہ وادی میں موجودہ صورتحال کے دوران سکیورٹی کے چھوٹے پیکیٹس کو اکثر نشانہ بنائے جانے کے پیش نظر یہ فیصلہ کیا گیا ہے۔