جنوبی کشمیر کے ترال علاقے میں ایک شو روم کھولا گیا۔ یہ شوروم سائینسدان مظفر احمد نے اپنے بھائی کے ساتھ کھولا ہے تاکہ مناسب داموں پر ترال کے عوام کو ریڈی میڈ گارمینٹس دستیاب رہے۔
اس شو روم کا افتتاح وادی کے معروف تاجر اور گرینڈ ممتاز گروپ آف ہوٹلز کے چیرمین مشتاقِ احمد چایا نے کیا۔
اس موقع پر کئی نامور تاجر شخصیتات بھی موجود تھیں میڈیا سے گفتگو کرتے ہوئے مشتاقِ احمد چایا نے کہا کہ عالمی سطح پر اس وقت معیشت کو مندی کا سامنا ہے اور جموں و کشمیر میں بھی صورتحال اطمینان بخش نہیں ہے تاہم اقتصادی ترقی کے لیے کاروبار از حد ضروری ہے کیونکہ اقتصادی مندی کا رجحان کمزور ہی نہیں رہے گا بلکہ صورتحال میں بہتری آ سکتی ہے اور اس کے لیے ہمیں تیاریاں کرنی ہے کیونکہ کوئی بھی صورتحال زیادہ دیر نہیں رہتی۔
مشتاق چایا نے نوجوانوں پر زور دیا کہ وہ سرکاری نوکریوں کے پیچھے دوڑنے کے بجائے اپنے یونٹ کھول کر اپنے اور دوسرے لوگوں کے لیے روزگار فراہم کریں۔
