بھٹہ مالکان پر چارلاکھ روپے کا جرمانہ

ضلع بڈگام میں ضلع مجسٹریٹ شہباز احمد مرزا کی ہدایات پر اے ڈی سی بڈگام ڈاکٹر ناصر احمد نے مختلف اینٹ بٹھوں کا غیر متوقع دورہ کیا اور عین موقع پر ڈی سی کے حکم کی خلاف ورزی کرنے والے بھٹہ مالکان پر 4 لاکھ روپے کا جرمانہ عائد کیا اور ان کے ساتھ سخت قانونی کارروائی کرنے کی ہدایت دی۔

ڈی سی آفس بڈگام کی ایک ٹیم نے مختلف شکایت کنندہ سے تفصیلی جانکاری حاصل کی اور ساتھ ہی ان کا اسٹیٹمنٹ ریکارڈ کیا جس کے بعد مذکورہ ٹیم اس نتیجے پر پہنچی کہ دو بھٹہ مالکان ضلع انتظامیہ کی جانب سے مقرر کردہ ریٹ سے زیادہ پیسہ صارفین سے وصول کرتے ہیں جو کہ سراسر ڈی سی بڈگام کے اجراء کردہ آڈر کی خلاف ورزی ہے۔

یہاں پر یہ بات قابل ذکر ہے کہ ڈی سی بڈگام نے پہلے ہی ایک حکم نامہ زیر نوٹس نمبر DCB/BrickKilns/2020/54 Dated 21/08/2020 کو اجراء کیا گیا تھا جس میں صارفین کو 21000 روپے فیکس 3000 اینٹوں کے عوض دینے ہوںگے اور ساتھ ہی یہ بھی کہا گیا ہے کہ کریج چارجز اس میں شامل نہیں ہیں وہ الگ سے دینے ہوں گے۔اس موقع پر انہیں نے اے ڈی سی بڈگام نے صاف صاف دو ٹوک الفاظ میں کہا کہ کسی بھی بھٹہ مالکان کو مقرر کردہ ریٹ سے اوپر اینٹ بیچنے کی اجازت نہیں دی جائے گی اور اگر ایسا کسی کو کرنے کا مرتکب پایا گیا تو اس کے خلاف سخت قانونی کارروائی کی جائے گی۔

انہوں نے لوگوں سے اپیل کی کہ اگر آپ کو ضلع بڈگام کے اندر کسی بھی بھٹہ مالکان نے مقرر کردہ ریٹ کے علاوہ پیسے لئے تو فوراً آپ ہمارے دفتر میں شکایت درج کر کے اپنا اسٹیٹمنٹ ریکارڈ کروائیں تاکہ ہم اس کے خلاف قانونی کارروائی کر سکیں۔