بھارتیہ جنتا پارٹی (بی جے پی) کے جنرل سکریٹری رام مادھو جمعرات کو سرینگر کا دورہ کرنے والے ہیں۔
بی جی پی ترجمان الطاف ٹھاکر نے کہا کہ رام مادھو جمعرات کو صبح سرینگر پہنچیں گے اور وہ یہاں پارٹی کی سیاسی سرگرمیوں کا جائزہ لینے کے لیے رہنماؤں اور کارکنان سے ملاقات کریں گے۔
الطاف ٹھاکر نے بتایا وہ کارکنوں کی میٹنگ کی صدارت کریں گے اور کشمیر کی موجودہ صورتحال اور پارٹی سے متعلق سرگرمیوں پر پارٹی کارکنوں سے تازہ رائے لیں گے۔
گزشتہ ماہ کے 8 تاریخ کو شمالی کشمیر کے بانڈی پورہ ضلع کے مسلم آباد علاقے میں بی جے پی رہنما وسیم باری ، اس کے بھائی اور اس کے والد کی ہلاکت کے بعد مادھو کا یہ دوسرا دورہ ہوگا۔
الطاف ٹھاکر نے بتایا کہ مادھو دفعہ 370 کے خاتمے کے بعد پیدا شدہ صورتحال کے بارے میں پارٹی کارکنوں اور رہنماؤں کارکنوں سے رائے لیں گے۔
انہوں نے کہا کہ مادھو اپنے اپنے ضلعی ہیڈ کوارٹرز میں پارٹی کارکنوں، اور پنچایت نمائندوں کے لئے کیے گئے حفاظتی انتظامات کا بھی جائزہ لیں گے اور اس کے مطابق اگر کوئی تبدیلی یا مزید اقدامات کی ضرورت ہو تو پارٹی ہائی کمان اور پولیس کے اعلی افسر کو آگاہ کریں گے۔
قابل ذکر ہے کہ گزشتہ دو ماہ سے بندوق برداروں نے بی جے پی سے منسلک چھ کارکنوں کو ہلاک کیا ہے جن میں ضلع بانڈی پورہ کے ایک ہی جاندان کے تین افراد، باپ اور اس کے دو بیٹے شامل تھے-
