ریاست جموں کشمیر کے دارالحکومت سرینگر میں پارلیمانی انتخابات کے مدنظر آج نیشنل کانفرس کی طرف سے ڈل جھیل میں شیکارا ریلی کا انعقاد کیا گیا۔
واضح رہے یہ ریلی گھاٹ نمبر 7 بلوارڈ سے ڈل جھیل ہوتے ہوئے نہرو پارک پر پہنچی۔ اس دوران ریلی میں فاروق عبداللہ کے ہمراہ کئی سینیئر رہنماؤں نے شمولیت کی۔ اس ریلی میں نیشنل کانفرنس کے بینر شیکارا میں لگایا ہوا بھی دیکھنے کو ملا۔
عوام سے خطاب کرتے ہوئے فاروق عبداللہ نے کہا کہ 'گذشتہ 30 برسوں میں سب سے بڑا نقصان شکارا صعنت سے اور ٹورازم سے وابستہ افراد کو ہوا ہے۔ خاص کر موجودہ حکومت نے اس صنعت سے وابسطہ کے لیے کچھ نہیں کیا جو قابل افسوس ہے۔
وادی کشمیر کی تعریف کرتے ہوئے فاروق عبداللہ نے کہا میں نے پوری دنیا کی سیر کی ہے مگر کشمیر جیسا خوبصورت اور کوئی نہیں۔
فاورق عبداللہ نے لوگوں سے اپیل کرتے ہوئے کہا مجھے ووٹ دیکر آپ اپنے مسائل کو پارلیمنٹ تک پہنچنے کا موقع دیں۔
