راجپورہ: کم تنخواہیں ملنے پر آشا کارکنوں کا احتجاجی مظاہرہ

جموں کشمیر کے ضلع پلوامہ کے راجپورہ میں آج آشا ورکروں نے کم تنخواہیں ملنے کے سبب راجپورہ بلاک میں احتجاجی مظاہرہ کیا ۔

رخسانہ بیوٹی نامی آشا کارکن کا کہنا ہے کہ شب و روز محنت کرنے کے باوجود انہیں خاطر خواہ تنخواہ نہیں ملتی ہے۔ جس سے وہ اپنے لیے جوتا خرید سکے یا اپنے اہل و عیال کی کفالت کرسکیں۔

انہوں نے مزید کہا کہ کووڈ ڈیوٹی پر ہونے کے باوجود انہیں تین دنوں کے بعد نئے دستانے ملتے ہیں۔ دوسرے کارکنان کا بھی کہنا ہے کہ جو تنخواہیں انہیں دی جاتی ہیں وہ ان کے لئے ناکافی ہیں۔

آشا کارکنان کا کہنا ہے کہ جب تک ان کے مطالبات پر توجہ نہیں دی جائیگی اس وقت تک ان کا مظاہرہ جاری رہے گا۔