سرینگر میں مسلسل بارش

وادی کشمیر میں شدت کی گرمی کا تسلسل آخر ٹوٹ گیا جس کے بعد یہاں لوگوں نے راحت کی سانس لی۔

شہر سرینگر کے ساتھ ساتھ وادی کے کئ علاقوں میں آج درمیانی درجے کی بارش ہوئی جس سے گرمی کی شدت کم ہو گئی۔

جموں و کشمیر میں گزشتہ کئی ماہ سے زبردست گرمی تھی جس سے عوام پریشان تھی۔ گرمی کی شدت سے خشک سالی بھی ہوگئی تھی۔ جموں و کشمیر کے کئی علاقوں میں شدید گرمی کی وجہ سے باغات اور دھان کی فصلوں کو بھی نقصان پہنچا وہیں کئی علاقوں میں فصلوں کے لئے پانی نہ ہونے کی وجہ سے کئی فصلے وقت سے پہلے ہی کاٹنی پڑی۔

وادی کشمیر کے متعدد علاقوں میں پانی کا بحران پیدا ہوگیا تھا جس کی وجہ سے آئے روز لوگ سڑکوں پر نکل کر احتجاج کرتے ہوئے نظر آئے۔ شدت کی گرمی نے گزشتہ ماہ چالیس سال پرانا ریکارڈ توڑ دیا۔ اگرچہ شہری علاقوں میں رک رک کر بارش ہو رہی تھی تاہم پہاڑی علاقوں میں صبح سے لگاتار تیز ترین بارشیں ہو رہی تھی جبکہ محکمہ نے پہلے ہی بارش کی پیشنگوئی کی تھی ۔