لداخ کے دراس میں یہ پروگرام 24 سے 26 جولائی کو منعقد کیے جائیں گے۔
اس سلسلے میں فوج کی جانب سے میدان کو سجایا جا رہا ہے اور سینکڑوں فوجی اہلکار اس تیاری میں مصروف ہے۔
اس تقریب میں کرگل جنگ کے دوران ہلاک ہونے والے فوجی اہلکاروں کو خراج عقیدت پیش کرنے کے لیے بھارت کے صدر جمہوریہ رام ناتھ کووند 26 جولائی کو دراس پہنچیں گے۔
صدر کے علاوہ فوج کے سربراہ بپن راوت اور دوسرے اعلی فوجی افسران بھی اس تقریب میں ہلاک شدہ فوجیوں کو خراج عقیدت پیش کرنے کے لیے پہنچیں گے۔
واضح رہے کہ سنہ 1999 میں دراس علاقہ بھارت اور پاکستان کے مابین ہونے والے جنگ کے میدان میں تبدیل ہو گیا تھا۔
فوج کے مطابق جنگ کے دوران مقامی لوگوں نے بھارتی فوج کا پورا ساتھ دیا تھا، جس کی یاد میں لداخ کے مقامی لوگ ثقافتی پروگرام میں حصہ لیتے ہیں تاکہ فوج اور مقامی لوگوں کے درمیان اچھے رشتے قائم رہیں۔
