'عیدالاضحیٰ کی نماز گھر میں ادا کریں'

ریاست جموں و کشمیر کے ضلع گاندربل کے ایس ایس پی خلیل احمد نے علاقے کے عوام سے اپیل کی ہے کہ وہ گھر سے باہر نہ نکلیں۔

خیل احمد نے ای ٹی وی بھارت کے ساتھ ایک خصوصی گفتگو میں کہا کہ عیدالاضحیٰ کی نماز اپنے گھروں میں ہی ادا کریں اور اور باہر نہ جائیں۔

انہوں نے کہا کہ کورونا وائرس کے قہر نے پوری دنیا کے ساتھ ساتھ وادی کشمیر کو بھی اپنی لپیٹ میں لے لیا ہے۔

یہاں دن بہ دن حالات خراب ہوتے جا رہے ہیں جس کی وجہ سے سے لاک ڈاؤن بہت ہی ضروری ہے۔

ایس ایس پی نے مزید کہا کہ ضلع میں پہلے ہی کئی جگہوں پر خاص کر نالہ سندھ کے اطراف دفعہ 144 نافذ کی گئی ہے۔

والدین اپنے بچوں کو گھر سے باہر نہ جانے دیں، خاص کر دوسرے علاقوں سے لوگ گاندربل گھومنے پھرنے کے لیے نہ آئیں۔

انہوں نے کہا کہ حکمنامے کی خلاف ورزی کرنے پر سخت سے سخت قانونی کاروائی کی جائے گی۔

ایس ایس پی نے لوگوں سے اپیل کرتے ہوئے کہا کہ وہ انتظامیہ کا ساتھ دیں اور کورونا جیسی وبا کو ختم کرنے میں اپنا حصہ ادا کریں۔

انہوں نے تمام لوگوں کو عید مبارک پیش کی ہے۔