پولیس کے مطابق سرینگر شہر کے ڈاؤن ٹاون علاقے میں حیات احمد بٹ کو امن و امان میں ڑخنہ ڈالنے کے الزام میں گرفتار کیا گیا ۔ان پر اشتعال انگریزی پھیلانے کا الزام ہے۔
واضح رہے کہ گذشتہ روز نیشنل کانفرنس کے صدر اور سابق وزیر اعلیٰ فاروق عبداللہ کی بہن اور بیٹی سمیت 13کشمیری خواتین کو انتظامیہ نے سرینگر کے سنٹرل جیل منتقل کر دیا ہے۔
جموں و کشمیر انتظامیہ کا کہنا ہے کہ انہیں نقص امن میں رخنہ ڈالنے اور امتناعی احکامات کی خلاف ورزی کرنے کے الزام میں حراست میں لیا گیا ہے۔
غذشتہ روز سرینگر میں خواتین کا ایک گروپ جموں و کشمیر کی خصوصی آئینی حیثیت کے خاتمے کے خلاف پر امن احتجاج کر رہا تھا۔ اس احتجاج میں نیشنل کانفرنس کے صدر اور رکن پارلیمان فاروق عبداللہ کی ہمشیرہ ثریا متو اور اور بیٹی صفیہ عبداللہ نے بھی شرکت کی۔ سنٹرل جیل منتقل ہونے والی خواتین میں سماجی کارکن سشوبھا بروے بھی شامل ہیں۔
