اطلاعات کے مطابق مقامی لوگوں نے ونپو گاؤں میں کرائے کے کمرے میں پڑی لاش کو دیکھا اور اس کے مطابق متعلقہ پولیس اسٹیشن کو اس کی اطلاع دی۔
ای ٹی وی بھارت نے مقامی پولیس اسٹیشن میر بازار کے ڈیوٹی افیسر سے بات کی۔ انہوں نے اس بات کی تصدیق کی ہے کہ ونپو میں کرائے کے کمرے میں ایک لاش ملی۔
انہوں نے کہا کہ 'دراصل چند دن قبل علاقے میں غیر مقامی شخص جس کا دماغی توازن ٹھیک نہیں تھا، وہ علاقے میں گھوم رہا تھا جس کے بعد فوج نے ان کو کرائے کے کمرے میں رہ رہے غیر مقامی مزدوروں کے ساتھ رکھا اور آج اُسی کمرے سے اس کی لاش برآمد کی گئی۔ پولیس کی ایک ٹیم موقع پر پہنچی اور لاش برآمد کر لی۔
ذرائع کے مطابق ہلاک شدہ شخص کی شناخت راجو سنگھ کے طور پر ہوئی ہے جو میر بازار میں مزدور کی حیثیت سے کام کرتا تھا۔
انہوں نے مزید کہا کہ 'سنگھ کی موت حرکت قلب بند ہونے سے ہوئی ہے۔'
