بانڈی پورہ میں بھنگ کی کاشت تباہ

منشیات کی خریدو فروخت میں ملوث افراد کے خلاف قانون کے مطابق کارروائی کی جائے گی تاکہ معاشرے کو اس وبا سے پاک و صاف رکھا جائے۔

شمالی کشمیر کے ضلع بانڈی پورہ میں منشیات کے خلاف اپنی کاروائی جاری رکھتے ہوئے سمبل پولیس نے محکمہ ایکسائز کے افسران کے ہمراہ بھنگ کی کاشت کو تباہ کیا ہے۔

بانڈی پورہ پولیس نے منشیات کے خلاف اپنی کاروائی جاری رکھتے ہوئے ایس ڈی پی او سمبل اور ایس ایچ او سمبل کی نگرانی میں بانڈی پورہ پولیس نے محکمہ ایکسائز کے آفیسران کے ہمراہ رکھ شلوت ، وانگی پورہ سمبل اور شلوت کے ملحقہ علاقے میں پھیلی بھنگ کی کاشت تباہ کی ۔

پولیس کی طرف سے کمیونٹی ممبران سے گزارش ہے کہ وہ اپنے پڑوس میں منشیات سے متعلق کسی بھی معلومات کے ساتھ آگے آئیں۔

منشیات کی خریدو فروخت میں ملوث افراد کے خلاف قانون کے مطابق کارروائی کی جائے گی، تاکہ معاشرے کو اس وبا سے پاک و صاف رکھا جائے۔

منشیات کے خلاف پولیس اور محکمہ ایکسائزکی کاروائی کی کافی سراہانہ کی گئی ہے۔