اٹل بہاری واجپئی کے 95ویں یوم پیدائش کے موقع پر صدر رام ناتھ کووند، وزیر اعظم نریندر مودی اور بی جے پی کے کارگزار صدر جے پی نڈا نے خراج عقیدت پیش کیا۔
مودی نے اپنے ٹویٹ میں کہا،’’ملک کی عوام کے دلوں میں بسے سابق وزیراعظم بھارت رتن اٹل بہاری واجپئی جی کو ان کی یوم پیدائش پر ان کو سلام۔‘‘
واجپائی 25 دسمبر 1924 کو کرشنا دیوی اور کرشنا بہاری واجپئی کے ہاں پیدا ہوئے ، جو ایک شاعر اور اسکول ماسٹر تھے۔
انہوں نے 1939 میں بی جے پی کے نظریاتی سرپرست راشٹریہ سویم سیوک سنگھ میں شمولیت اختیار کی۔
سنہ 1942 میں اٹل جی اور ان کے بھائی کو بھارت چھوڑو تحریک کے دوران گرفتار کیا گیا تھا۔ 1951 میں ، انہیں آر ایس ایس سے کہا گیا کہ وہ بی جے پی کے پیش رو سابقہ بھارتیہ جنا سنگھ کے لیے کام کریں۔
انہوں نے پانچ سال بعد لوک سبھا میں واپسی سے قبل 1962 میں 37 سال کی عمر میں راجیہ سبھا میں داخل ہوئے۔ اگلی چار دہائیوں میں ، وہ نو بار لوک سبھا کے لیے دوبارہ منتخب ہوئے۔
