ملازمین کا مطالبہ ہے کہ گزشتہ سات برسوں سے وہ دیہی علاقوں میں محکمہ پی ایچ ای کے لیے کام کر رہے ہیں لیکن ان کی تنخواہ کبھی وقت پر ادا نہیں کی گئی اور جب مستقل ملازمت دینے کی بات آئی تو قریب 150 عارضی ملازمین جو پچھلے سات برسوں سے کام کر رہے ہیں، محکمہ نے انہیں ملازمت سے دستبردار کرنا چاہا جو سراسر ناانصافی ہے۔
رامبن: عارضی ملازمین کا احتجاج
انہوں نے ضلع ترقیاتی کمشنر رامبن سے مداخلت کی اپیل کی اور ان کے جائز مطالبات جیسے تنخواہوں کی ادائیگی اور مستقلی کو اعلیٰ حکام تک پہنچانے کی اپیل کی جس پر انہیں یقین دہانی کرائی گئی کہ ان کا مسئلہ حل کیا جائے گا۔
ملازمین نے مسئلہ حل نہ ہونے پر کام چھوڑ کر ریاست گیر ہڑتال کرنے کا انتباہ دیا ہے۔
