مقامی لوگوں کے مطابق متعدد بار محکمہ بجلی کے افسران کی توجہ اس جانب مبذول کروائی گئی کہ بجلی پول کی اونچائی کم ہے اور پول بھی بوسیدہ ہیں، لیکن اس کے باوجود افسران ٹس سے مس نہ ہوئے۔
علاقہ میں ہائی وولٹیج بجلی کے تار رہائشی مکانوں کی چھتوں کے اوپرسے گزرنے کے ساتھ ساتھ چند مکانوں کے لینٹر سے چھو جاتی ہے جس کے سبب کھبی بھی بڑا حادثہ ہونے کا اندیشہ ہے۔
مقامی لوگوں نے الزام عائد کیا ہے کہ' محکمہ بجلی نے کھمبوں کی جگہ بوسیدہ لکڑی کے پول کھڑے کرکے بجلی تاروں کو باندھ رکھا ہے۔
ای ٹی وی بھارت نے محکمہ کے سب ڈویژن انجینیئر رامبن راجیش شرما کی توجہ اس معاملے کی طرف دلائی۔
انہوں کہا کہ محکمہ نے اسے رواں برس منصوبہ کی اسکیم میں رکھا ہے اس کی منظوری ملتے ہی بجلی لائنوں اور کھمبوں کو تبدیل کیا جائے گا اور کچھ پول ترجیحی بنیاد پر جلد ہی تبدیل کیے جائیں گے۔
