سرینگر کے پارٹی دفتر میں پی ڈی پی کے کئی رہنما اور کارکنان نے مرحوم مفتی سعید کو خراج عقیدت پیش کیا۔ اس موقع پر ان کی جانب سے پی ڈی پی کو ملے منشور کو دہرایا گیا۔
تاہم دفتر پر ہوئی آج کی اس تقریب میں پی ڈی پی کی صدر محبوبہ مفتی پارٹی موجود نہیں رہیں کیونکہ آنکھ کے آپریشن کی وجہ سے انہوں نے اس تقریب میں آنے سے پرہیز کیا۔
محبوبہ نے آج صبح اپنے والد کے قبرستان جو بجبہاڑہ میں ہیں، وہاں جا کر خراج عقیدت پیش کیا۔ برفباری کی وجہ سے پی ڈی پی دفتر پر یہ تقریب بھی بند کمرے میں ہی منعقد کی گئی جس میں درجنوں کارکنان نے حصہ لیا۔
پارٹی لیڈر رؤف بھٹ نے بتایا کہ مفتی محمد سعید نے مسئلہ کشمیر کے پر امن حل کے لیے ایک منشور تشکیل دیا تھا جس سے ریاست میں امن و خوشحالی کے دروازے کھلے تھے۔ انکا کہنا تھا کہ پی ڈی پی مفتی سعید کے ایجینڈے پر قائم و دائم ہے۔
غور طلب ہے سنہ 2015 میں آج کے ہی دن مفتی سعید علالت کے بعد دہلی کے ایمس ہسپتال میں انتقال کر گئے تھے۔ اس وقت وہ ریاست میں بی جے پی کی حمایت سے بنی مخلوط سرکار کے وزیر اعلیٰ تھے۔
