پلوامہ: فائرنگ میں پی ڈی پی کارکُن زخمی

جنوبی کشمیر کے ضلع پلوامہ کے متری گام نامی گاؤں میں نامعلوم بندوق برداروں نے پی ڈی پی ورکر کو گولیاں مار کر زخمی کر دیا۔

زخمی حالت میں انہیں سب ڈسٹرکٹ ہسپتال پلوامہ اور بعد میں سرینگر ہسپتال منتقل کیا گیا۔

مذکورہ شخص کی شناخت لطیف احمد شاہ کے طور پر ہوٸی ہے۔

سکیورٹی ذرائع کے مطابق لطیف احمد شاہ اپنے باغیچہ میں کام کر رہے تھے، اچانک نامعلوم افراد نے ان پر گولی چلا دی۔

پولیس نے اس ضمن میں کیس درج کر کے تحقیقات شروع کر دی۔

ابھی تک کسی بھی عکسری تنظیم نے حملے کی ذمہ داری قبول نہیں کی ہے۔

واضح رہے کہ وادی کشمیر میں سیاسی رہنماؤں پر حملے کے واقعات میں اضافہ ہوتا جا رہا ہے۔