سری نگر : عالمی وبا کورونا وائرس کی وجہ سے سالانہ حج 2020 کو منسوخ کئے جانے پر رواں برس حج کے لئے منتخب تمام حجاج کرام کے پاسپورٹ واپس کردیئے جائیں گے۔
سرکاری ترجمان نے ہفتہ کی شام بتایا کہ حج 2020 کے تمام حجاج کرام کو مطلع کیا گیا ہے کہ حج کمیٹی ممبئی کی جانب سے جموں و کشمیر حج کمیٹی کو عازمین حج کے پاسپورٹ ملے ہیں۔
جاری بیان کے مطابق سب کو مطلع کیا جاتا ہے کہ کووڈ ۔19 وبا کی وجہ سے موجودہ صورتحال میں حج کمیٹی پاسپورٹ تقسیم کرنے کی حالت میں نہیں ہے۔ تاہم یہ فیصلہ کیا گیا ہے کہ یکم اگست کے بعد پاسپورٹ تقسیم کرنے کے عمل کا جائزہ لیا جائے گا ، اس کے لئے ایک علیحدہ نوٹیفکیشن جاری کی جائے گی ۔
