مادرمہربان اسٹیڈیم میں پارٹی کنونشن

وسطی ضلع گاندربل میں آج نیشنل کانفرنس کی جانب سے مادرمہربان اسٹیڈیم میں پارٹی کنونشن کا انعقاد کیا گیا جس میں پارٹی کے سرپرست اعلیٰ ڈاکٹر فاروق عبداللہ، ایڈیشنل سیکریٹری مصطفی کمال، سینئر لیڈر علی محمد ساگر اور سابق ایم ایل اے گاندربل شیخ اشفاق جبار موجود تھے۔

پارٹی کے اس کنونشن کے موقع پر پارٹی کے سرپرست اعلیٰ ڈاکٹر فاروق عبداللہ نے ارون جیٹلی اور امت شاہ کو آڑے ہاتھوں لے کر کہا کہ اگر ان میں دم ہے تو دفعہ 370 کو ختم کرکے دکھا دی۔

انہوں نے کہا اگر بھارت نے اس کو توڑنے کی کوشش کی تو الحاق بھی ختم ہوگا۔

انہوں نے کہا کہ اگر دفع 370 عارضی ہے تو الحق بھی عارضی ہے۔

انہوں نے کہا کہ خالی دھمکیوں سے نہیں ڈرتے فاروق نے کہا کہ ہم نے انیس سو چھیانوے میں الیکشن لڑا اس وقت کے وزیراعظم نے ہمیں یقین دلایا تھا کہ ہمیں خود مختاری دی جائے گی۔

انہوں نے کہا کہ وقت آیا ہے کہ ہمیں ان طاقتوں کو یہاں کامیاب نہیں ہونے دینا ہے جو ہماری خود مختاری، شناخت اور پہچان کو جڑ سے اکھاڑنے کی کوشش کررہے ہیں۔

انھوں نے نریندر مودی پر نشانہ سادتے ہوئے کہا کہ مودی ایک اکیلا انسان پورے بھارت کو نہیں چلا سکتا۔

انہوں نے کہا کہ میں نے اپنی پوری زندگی بہت سارے اداکار دیکھے لیکن مودی جیسا اداکار نہیں دیکھا۔