شمالی کشمیر کے ضلع بارہمولہ کے نوگام سیکٹر میں لائن آف کنٹرول پر آج صبح سے بھارت - پاک افواج کے درمیان گولہ باری جاری ہے۔
فوجی ذرائع کے مطابق پاکستان افواج نے نوگام سیکٹر میں جنگ بندی کی خلاف ورزی کرتے ہوئے بھارتی چوکیوں اور رہائشی علاقوں کو نشانہ بنایا ہے۔ بھارتی افواج گولہ باری کا مناسب جواب دے رہے ہیں۔
ذرائع کے مطابق علاقہ میں فائرنگ سے کسی جانی یا مالی نقصان کی اطلاع نہیں ہے۔
مقامی لوگوں کے مطابق فائرنگ کی وجہ سے علاقہ میں خوف و دہشت کا ماحول ہے۔
آخری اطلاعات موصول ہونے تک علاقہ میں فائرنگ کا تبادلہ جاری تھا۔
