وزارت خارجہ کے ترجمان رویش کمار نے مشترکہ بیان سے متعلق نامہ نگاروں کے سوالات پر کہا ، ’’ہم چینی وزیر خارجہ کے حالیہ دورہ پاکستان کے بعد چین اور پاکستان کی طرف سے جاری مشترکہ بیان میں جموں و کشمیر کے ذکر کو مسترد کرتے ہیں۔’’ جموں وکشمیر ہندوستان کا اٹوٹ حصہ ہے۔‘‘
ترجمان نے کہا کہ ہندوستان نام نہاد ’چین پاکستان اقتصادی راہداری‘ پر منصوبوں کے بارے میں ان دونوں ممالک کو اپنی تشویش سے مسلسل اظہار کراتا رہا ہے۔ یہ راہداری ہندوستان کی سرزمین پر تعمیر کی گئی ہے جس پر 1947 سے پاکستان نے غیرقانونی قبضہ کیا ہواہے۔ انہوں نے کہا ، ’ہندوستان پاکستان مقبوضہ کشمیر میں کسی دوسرے ملک کی طرف سے کسی صورت حال کو بدلنے کےکسی بھی کارروائی کے سخت خلاف ہے۔‘‘
مسٹر کمار نے کہا ، ’’ہم تمام متعلقہ فریقوں سے اس طرح کی کارروائیوں کو روکنے کا مطالبہ کرتے ہیں۔‘‘
قابل ذکر ہے کہ پاکستان اور چین نے گذشتہ اتوار کو مشترکہ بیان میں جموں و کشمیر کا ذکر کیا تھا۔
