کشن ریڈی کا کہنا ہے کہ صورتحال پُرامن ہے اور جموں و کشمیر کے بیشتر حصوں میں دفعہ 144میں نرمی دی گئی ہے۔
انہوں نے کہا کہ پاکستان ملک میں مسائل پیدا کرنے اور عوام کو اکسانے کی کوشش کر رہا ہے۔حکومت داخلی سلامتی کی برقراری، بیرونی خطرات کا سامنا کرنے اور سرحدوں کے تحفظ کے لیے تمام اقدامات کررہی ہے۔
انہوں نے یہ بھی کہا کہ دفعہ 370کی منسوخی مودی حکومت کی جانب سے لیا گیا ایک تاریخی فیصلہ ہے اور اس سے جموں وکشمیر میں عام آدمی کی معیار زندگی بہتر ہوگی۔
کشن ریڈی کے مطابق جموں و کشمیر کی بعض مقامی سیاسی جماعتوں کا خود کا مفاد ہے جس کے لیے وہ ریاست کے عوام کو گمراہ کررہے ہیں دفعہ 370کی منسوخی کے بعد اب عوام کے مفاد میں تمام اسکیمات پر وہاں عمل ہوسکے گا۔
ریڈی نے کہا کہ وزارت داخلہ نے ہند۔پاک سرحد اور ہند۔تبت سرحد پر اسمارٹ فینسنگ لگانے کی شروعات کی ہے جس کے ذریعہ دہلی کے نارتھ بلاک سے سرحد پر کسی بھی قسم کی سرگرمی پر نظر رکھی جاسکتی ہے اور وہاں فوری طور پر کارروائی کی جاسکتی ہے۔
