بی جے پی دفتر ترکوتا نگر میں 24 جون کو وزیر اعظم نریندر مودی کی طرف سے 14 مین اسٹریم سیاسی رہنماؤں کی طلب کردہ میٹنگ کے سلسلے میں ایک میٹنگ منعقد کی گئی۔ جس کی صدارت جموں کشمیر بھارتیہ جنتا پارٹی کے صدر رویندر رینہ نے کی۔
میٹنگ کے بعد رینہ نے پریس کانفرنس کے دوران زرائع ابلاغ کے نمائندوں سے بات کرتے ہوئے وزیراعظم نریندر مودی کی طرف سے طلب کردہ میٹنگ کا خیر مقدم کیا اور وزیر اعظم نریندر مودی کا شکریہ ادا کیا۔
وہیں انہوں نے اس میٹنگ میں شامل ہونے والی تمام سیاسی جماعتوں کا خیر مقدم کرتے ہوئے کہا کہ جموں و کشمیر کے سیاسی رہنماؤں کو اپنی بات وزیر اعظم نریندر مودی کے سامنے رکھنے کا موقع ملے گا۔
مزید پڑھیں: دفعہ 370 کی بحالی ہمارا بنیادی ایجنڈا: فاروق عبداللہ
بتادیں کہ پیپلز الائنس فار گپکار ڈکلریشن کی بھی آج میٹنگ سرینگر میں منعقد ہوئی۔ جس کی سربراہی نیشنل کانفرنس کے صدر فاروق عبداللہ نے کی، اس میں شامل تمام اکائیاں بشمول پی ڈی پی صدر محبوبہ مفتی نے شرکت کر کے 24 جون کو ہونے والی میٹنگ میں شرکت کرنے کا فیصلہ لیا۔
