اِن سڑک حادثات میں ہلاک ہونے والوں کی تعداد میں مسلسل اضافہ ہی ہو رہا ہے ۔اتوار کے روز ڈوڈہ گھٹ سڑک پر ایک بائک سوار نوجوان سڑک حادثہ کا شکار ہو کر موقع پر ہلاک ہو گیا۔
اطلاعات کے مطابق اتوار کی دوپہر ایک بائک سوار نوجوان جس کی شناخت تاسیر احمد ولد ارشاد احمد ڈار کے طور پر ہوئی ہے ۔ واپس گھر کی طرف لوٹ رہے تھے تبھی ایک بائک سوار نے انہیں دھکا مارا جس کے بعد موقعہ پر ہی وہ ہلاک ہو گئے۔
حادثہ کی خبر پھیلتے ہی مقامی لوگوں کے علاوہ پولیس نے بھی موقعہ پر پہنچ کر خون میں لت پت نوجوان کو نزدیکی ہسپتال منتقل کیا جہاں ڈاکٹروں نے انہیں مردہ قرار دیا۔
یہ بھی پڑھیں: چتوڑ گڑھ میں بھیانک سڑک حادثہ، 7 افراد ہلاک
بتایا جا رہا ہے کہ مذکورہ نوجوان بارہویں جماعت کا طالب علم تھا۔ نوجوان کی موت کے بعد پورے سیل گاؤں میں ماتم چھا گیا۔ڈوڈہ میں ایک ہی ہفتہ کے اندر یہ دوسرا حادثہ تھا۔آج سے تین روز قبل ڈوڈہ بھرت روڈ پر بھی ایک گاڑی حادثہ کا شکار ہوئی تھی جس میں بھی ایک نوجوان ہلاک ہوئے تھے۔
