گزشتہ کئی روز کے بعد آج اننت ناگ میں کوئی مثبت کیس رپورٹ نہیں ہوا ہے جس سے لوگ میں تشویش میں کمی نطر آئی ہے۔
واضح رہے کہ اننت ناگ میں اب تک کوروناوائرس کے 109 مثبت کیسز سامنے آئے ہیں جن میں ابھی بھی107 سرگرم ہے جبکہ ایک صحتیاب ہوچکا ہے اور ایک کی موت ہوچکی ہے۔
وہیں کورونا کے خطرات پر قابو پانے کی خاطر اننت ناگ میں پابندیوں اور بندشوں کا سلسلہ جاری ہے جس سےعام زندگی متاثر ہوکر رہ گئی ہے۔
ادھر لاک ڈاؤن کے مکمل نفاذ کی خاطر اننت ناگ پولیس، میونسپل کونسل اننت ناگ و ضلع انتظامیہ سرگرم ہیں۔
اس سلسلے میں میونسپل کونسل اننت ناگ کے صدر ہلال احمد شاہ نے آج بھی کئی علاقوں کا دورہ کیا اور لاک ڈاؤن کی خلاف ورزی کی پاداش میں کئی افراد و دکانداروں کے خلاف کاروائی عمل میں لائی ہے۔
ہلال شاہ کے مطابق اشیائے ضروریہ کی سپلائی یقینی بنانے کےلئے مزید سخت اور عوام دوست اقدامات اٹھائے جا رہے ہیں۔
